yaad aa rahi hain ek bar fir mujhe,
wo tumhari nanhi gulabi chudiyan,
pahnai thi jo maine khud hi,
tumhari un chudiyon se b najuk kalaiyon me,
aur dekhi thi bade hi gaur se,
un chudiyon se b gulabi abha,
jo chhalak aai thi tumhare kapolon par,
aur daur kar chali gai thi tum,
swachchh dhawal chandni si muskan aur,
chudiyon se bhi adhik madhur,
komal khanakti hansi ke sath,
amma ki bahon me jhulte hue,
bade hi darp ke sath kaha tha,
bhaiya chudiyan layen hain mere liye,
aur kaha tha ma ne, shayad,
bas hasya nimitt, jo,
milan-virah se guntha hua,
madhur aur kathor sach tha,
ki chali jaogi tum yun hi,
aisi hi chudiyon ke sath jo,
ho jayengi badi tumhare sath hi,
aur kitni jaldi wo sach sachha ho gaya,
ki ja rahi ho aaj tum,
unhi nanhi gulabi chudiyon me......
1 comments:
chote chote kalayon mein banda thaa woh pyaar thaa
hastey khelte ladte jo beeta woh be bas pyaar thaa
tujh se gussa hona aur fir ladte huve lipat jana pyaar thaa
har maud pe ruk ke dekhna tatolna aur fir badakjana woh pyaar thaa
bhai se bad kar duniya mein hai na hoga koye rishta
pyaar ka rishta hai aur bas pyaar thaa
i so wanted to write more... so many thoughts knockin my soul but yes ur words just got my eyes wet soemthing i been missing badly :) keep writing u will go far i can see that spark in you .... good luck and good wishes
always
hema
Post a Comment